Balangiga

An Balangiga usa nga ikalima nga klase nga bungto ha lalawigan han Eastern Samar ha Sinirangan nga Kabisay-an nga rehiyon ha Kabisay-an ha Pilipinas. Sumala han 2000 census, an Balangiga mayda populasyon nga 10,662 ka tawo ha 2,113 nga panimalay.

Mapa han Sinirangan nga Samar nga nagpapakita kon hain an Balangiga

Sensus han Populasyon Balangiga, Eastern Samar
Sensus	Populasyon		+/-
1990	9,565		—
1995	11,100		3.0%
2000	10,662		-0.86%
2007	12,428		2.14%
2010	12,756		0.36%
2015	14,085		1.38%

Dinhi hini nga bungto nahinabo an pakig-away nga tinatawag an Nahinabo ha Balangiga. Ini nga pakig-away nga nahinabo hadton Septyembre 28 han tuig 1901 nagresulta hin pagdaog para han mga Samarnon kontra han mga Americano pero an mga Americano binmalik ngan nagtikang hin opensiba-militar kontra han bug-os nga isla han Samar. Ini nga nahinabo dida han Gyera Pilipinhon-Americano usa han mga maiha na nga kontrobersya nga kalakip han relasyon han Pilipinas ngan han Estados Unidos.

Heyograpiya

An Singbahan han Balangiga ha gab-i

Nahamutang an Balangiga ha salatan nga labnasan han purô han Samar nga naatubang han Gulfo han Leyte, ngan nahamutang ha ganghaan han Salog han Balangiga. Ha katundan hini nahamutang an bungto han Lawaan, ha amihan an Llorente, ngan ha sinirangan an mga bungto han Quinapondan ngan Giporlos.

Mga Baranggay

An Balangiga mayda napulo kag tulo (13) nga baranggay.

• Bacjao
• Cag-olango
• Cansumangcay
• Guinmaayohan
• Barangay Poblacion I
• Barangay Poblacion II
• Barangay Poblacion III
• Barangay Poblacion IV
• Barangay Poblacion V
• Barangay Poblacion VI
• San Miguel
• Santa Rosa
• Maybunga

Panagat

An Balangiga kilalado nga usá nga lugar nga puyde makapanagat hin sulisugi okun ha Ininggles blue marlin (siyentipiko nga ngaran makaira mazara). Kay it lawod ha Balangiga amo iton ginkakadtoan hit mga sulisugi nga ira breeding ground. It panahon hit panagat hit sulisugi amo it mga bulan tikang hit Pebrero kutob Mayo. Ginsasaurog han bungto an pagkahura hin sulisugi han ira Sulisugi Festival.

Edukasyon

Mayda siyam (9) nga publiko nga mga iskwelahan hin elementarya ha Balangiga nga amo an:

• Balangiga Central Elementary School
• Bacjao Elementary School
• Bangon Elementary School
• Cag-olango Elementary School
• Cansumangkay Elementary School
• Guinmaayohan Elementary School
• Maybunga Elementary School
• San Miguel Elementary School
• Santa Rosa Elementary School

Mayda usá (1) nga publiko nga iskwelahan hin sekondariya nga pag-aram:

• Southern Samar National Comprehensive High School

Mayda usá (1) nga pribado nga iskwehan hin sekondariya nga pag-aram:

• MSH Sisters Academy Balangiga

Mga anak nga bungto

An mga bungto han Lawaan, Giporlos, ngan Quinapondan nagtikang nga mga baranggay han Balangiga.

Mga sumpay ha gawas

• Opisyal nga Websayt han Balangiga Ginhipos 2007-03-12 han Wayback Machine
• Philippine Standard Geographic Code Ginhipos 2012-04-13 han Wayback Machine
• 2000 Philippine Census Information Ginhipos 2005-09-23 han Wayback Machine