Pintados-Kasadyaan
An Pintados-Kasadyaan in usa nga festival nga ginbubuhat kada Hunyo ha Leyte ha Pilipinas.
Kasaysayan
igliwat
An syahan nga Pintados Festival in ginsaurog ha Leyte hadton Hunyo 29, 1987, usa ka tuig katapos matukod an Pintados Foundation, Inc. han tuig 1986 pinaagi han mga taga-Leyte nga nag-organisar hin mga aktibidad ha kultura ngan relihiyon ha pagpasidungog han Señor Santo Niño. An Pista han Pintados ginlakip dida han Pista han Karisyohan nga mga Pista han 1996.[1][2]
An Pintados in nagtutudlok han mga kadaan nga maisog nga mga girriro han rehiyon samtang an pulong nga kasadyaan in nangangahulogan hin kalipayan ha yinaknan han mga Kabisay-an..[1][3]
An pagsalin-urog han Pintados-Kasadyaan gin-undang han tuig 2020 tungod han pandemya han COVID-19.[4]
Mga selebrasyon
igliwat
An mga selebrasyon nga nahitatabo kada Pintados-Kasadyaan naglalakip han Pista ng mga Pista ng Leyte (Iningles: Festival of Festivals of Leyte), an pagpresenta han rituwal nga sayaw han mga Pintados, ngan an Pagrayhay o an selebrasyon para han Marangyang Parada (Inggles: Grand Parade).[1]
An mga tinaglawas han mga munisipyo han probinsya han Leyte makadto ha syudad han Tacloban ngan didto hira nagkakatitirok para umapi han selebrasyon han Pintados-Kasadyaan.[1]
An mga lumad nga sayaw nga ginpapasundayag ha Pintados-Kasadyaan in nagpapakita han mga binuhatan han mga kaapoy-apoyan nga Pilipino ugsa umabot an mga Espanyol. An pipira hini nga mga paagi amo an pagsingba ha mga dios-dios ngan pagpasundayag hin folk epiko ngan musika.[1]
Durante han parada, an mga kakalsadahan han Tacloban in napuno hin mga mananayaw nga nakasul-ot hin de-kolor nga bado ngan an lawas in ginpinta hin iba-iba nga porma, pigura ngan kolor.[1][2]
Natatapos an Pintados-Kasadyaan pinaagi hin makalilipay ngan tradisyunal nga piyesta han mga Pilipino.[1]
Mga partisipante
igliwatAn pira han mga nagpartisipar han Pintados-Kasadyaan amo an mga tinaglawas han mga Pintados tikang han mga tribu Buraburon, Guadalupe-Anon, Mandaragat, Siete Cuatro, ngan Mangirisda ngan an mga tinaglawas para han mga Kasadyaan tikang han Buyogan Festival, Tulo-usa Festival, Makarato Festival, Lingganay Festival, ngan Pasaka Festival.[2][4]
Mga kasarigan
igliwat- ↑ 1.0 1.1 1.2 1.3 1.4 1.5 1.6 Ethnology Division, National Museum of the Philippines (2022-06-29). "Pintados Festival". National Museum of the Philippines. Ginkuhà 2024-06-27.
- ↑ 2.0 2.1 2.2 National Commission for Culture and the Arts (2019-07-04). "Leyte celebrates Pintados-Kasadyaan Festival of Festivals". SunStar Publishing Inc. Ginkuhà 2024-06-28.
- ↑ "Tacloban City's Pintados-Kasadyaan Festival". Behold Philippines. 2019-06-05. Ginkuhà 2024-06-28.
- ↑ 4.0 4.1 Sabalza, Gerico (2020-05-29). "Leyte drops Pintados-Kasadyaan Festival due to Covid". Philippine News Agency. Ginkuhà 2024-06-28.