Alexander Pope

Hi Alexander Pope (Mayo 21, 1688 - 30 Mayo 1744) usá han ginkikita nga mga harangdon nga mga Ingles nga maniniday, ngan nangunguna nga maniniday han sayo nga bahin han ika-napulokagwalo nga gatostuig. Kilalado hiyá tungod han iya satiriko ngan diskurisbo nga mga siday, nga diin lakip hiní an The Rape of the Lock, The Dunciad, ngan An Essay on Criticism, pati gihapon han iya paghubad han mga sinurat ni Homeros. Sunod kan Shakespeare, hi Pope amo an ikaduha nga agsob nga ginkukutlo nga nagsurat ha Iningles, sumala han The Oxford Dictionary of Quotations, ngan pipira han iya mga garay nagin idiom han katawhan nga agsob nga ginagamit (e.g., Damning with faint praise). Ginkikita hiyá nga maestro hin heroic couplet.